Mơguah lơ 08/04, ƀơi Hà Nội, Grŭp apăn bruă Jơnum djop djuai ania mơnuih mơnam dêh čar Việt Nam hmâo pơphun ngă Lơphet čơkă mă tơlơi dŏng yua bruă pơpŭ, bơni ƀing ling tơhan pơsăn drơi, ling tơhan Điện Biên, hlăk ai prong pran săn hơtai, mơnuih ƀơi anăp gum hrŏm bruă blah ayăt ƀơi Điện Biên Phủ amăng rơwang đơ đam dêh čar. Ơi Đỗ Văn Chiến, Ding kơna git gai Ping gah dêh čar, Khua Jơnum min djop djuai ania mơnuih mơnam dêh čar Việt Nam nao pơhmư̆ mông ngă Lơphet čơkă mă prăk gum djru.

Amăng mông ngă lơphet, Kơ-iăng Khua Sang prăk Kơnuk kơna Việt Nam Đào Minh Tú jao mrô prăk 20 klai prăk mơ̆ng Khul mut phung Sang prăk Việt Nam pok phun djru gum pioh pơpŭ, hơdor tơngiă ƀing ling tơhan sông kơtang, pơsăn drơi, ling tơhan Điện Biên, hlăk ai prong pran săn hơtai, mơnuih ƀơi anăp gum hrŏm blah ayăt pơ̆ Điện Biên Phủ. Ƀrô djơ̆ tal anai, Sang prăk gah bruă đang hmua hăng pơđĭ kyar ƀôn lan dêh čar Việt Nam ăt jao mơn prăk djru 2 klai prăk pioh djru bruă hơdor tơngia ƀing ling tơhan sông kơtang, pơsăn drơi, ling tơhan Điện Biên, hlăk ai prong pran săn hơtai, mơnuih ƀơi anăp gum hrŏm blah ayăt pơ̆ Điện Biên Phủ ƀơi tơring čar Thanh Hóa./.