Črăn tơlơi phiăn djă pioh gru grua (čih pơkra glăi) pơkă kơ bruă krăo lăng, ngă gêh gal sem lăng gơnam yôm sô hơđăp hăng čih anăn djă pioh gơnam yôm sô hơđăp; tŭ yap gơnam yôm dêh čar; wai lăng hơdôm gơnam yôm sô hơđăp dêh čar hăng djă pioh hơdôm gơnam sô hơđăp hơmâo ĕp ƀuh. Sit biă ñu, črăn tơlơi phiăn pơhrua črăn phrâo kơ bruă wai lăng hăng lăi pơthâo gru grua, tơlơi pơkă kơ bruă kah pha, hơnong pơkă sem lăng gơnam yôm sô hơđăp; čih pơkra amăng hră pơ-ar; čih anăn rĭm gơnam yôm; wai lăng, pơkra ming.

Khua git gai pơ ala mơnuih ƀôn sang dêh čar ơi Vương Đình Huệ lăi pơtong: gru grua yôm kiăng lăng kar hăng gơnam pioh pơđĭ kyar; kiăng djă pioh hăng tŏ tui, tơlơi rô nao rai amăng wai lăng hăng tŏ tui kiăng pel ĕp glăi amăng črăn tơlơi phiăn, hăng pran jua pơtrut pơđĭ kyar. Rơkâo khul čih pơkra pơhrua tơlơi črâo ba, hơdră bruă gah wai lăng gru grua, pơplih yua boh thâo phrâo gah gru grua, ngă hrŏm hơjăn hăng kơnuk kơna, bơwih ƀong tui gru grua. Laih dong hơmâo hơdră yôm phara amăng djă pioh gru grua djuai ania ƀiă, kual čư̆ siăng, bul pơtâo, gru grua yôm amuñ rơngiă hloh.