Pơčrông sai amăng mông jơnum, jơnum min apăn bruă Khua pơ ala mơnuih ƀôn sang rơkâo bruă dưm dăp man pơdong plơi prong kiăng anăp nao lăp djơ̆, sui pơ anăp, hluai tui tơlơi sit nik hăng tơlơi pơkă amăng pơđĭ kyar hơđong kjăp; lăng ană mơnuih hăng pơhlôm brơi tơlơi hơdip klă hloh lĕ phun, gru grua hăng tơlơi hiam klă amăng plơi pla lĕ akŏ kiăng pơđĭ kyar; pơhlôm anăp nao pơlir hơbit kơplah wah plơi prong hăng ƀon lan, lăp djơ̆ hăng tơlơi sit nik hơmâo pơmut nao rai kơplah wah plơi prong hăng ƀon lan.

Khua git gai pơ ala mơnuih ƀôn sang dêh čar ơi Vương Đình Huệ pơtă, kiăng pel ĕp glăi tong ten, pơsir hĭ tơlơi bơdjơ̆ nao kơplah wai plơi prong hăng man pơdong plơi pla phrâo, tơlơi rô nao rai kơplah wah plơi prong hăng pơđĭ kyar bơwih ƀong amăng plơi prong; dưm dăp brơi djơ̆ hăng pơplih ayuh hyiăng. Khua git gai pơ ala mơnuih ƀôn sang dêh čar lăi pơtong kiăng kơsem min pơsir hĭ hơdôm tơlơi gun sit nik laih dong hơnong pơkă phun amăng dưm dăp man pơdong plơi prong, ƀon lan, kah hăng pơplih brơi djơ̆ hăng tơlơi gal.