Khua Sang phăt kơđi dêh čar Nguyễn Hòa Bình hăng Khua Anon pel ĕp kơđi tơlơi dêh čar ta Lê Minh Trí amra lăi glăi tơlơi tơña amăng mông jơnum. Kiăo tui anun, ơi Nguyễn Hoà Bình ngă rơđah hơdôm jơlan gah pơđĭ tui bruă pel ĕp, pơsir hơdôm kơđi tơlơi bruă čar, kơđi hình sự gah bơwih ƀong, hưp ƀong kông ngăn; Jơlan gah pơđĭ tui bôh thâo, pran gơgrong, bruă mă mơng pô pơsir kơđi hăng hơdôm mơnuih mă bruă gah sang phăt kơđi; bruă pơgang hlôm hlâo hăng pơsir tơlơi hưp ƀong kông ngăn, tơlơi ngă soh amăng Ding jum gơnong bruă Sang phăt kơđi.

Bơ̆ Khua Anom pel ĕp kơđi tơlơi dêh čar ta ơi Lê Minh Trí lăi glăi hơdôm jơlan gah pơđĭ tui anô̆ klă ngă tui tơlơi pơsir kơđi hăng pel ĕp kơđi mă bruă pơsir kơđi hình sự, biă ñu hơdôm kơđi tơlơi bơwih ƀong, hưp ƀong kông ngăn; ƀu pioh ba truh tơlơi tlaih lui soh ƀing ngă soh phiăn, pơsir ƀu djơ̆ hăng mơnuih ƀu hmâo tơlơi soh./.