Pơgôp hiăp kơ tơlơi phiăn pơkă ngă tui rơnoh pơkă pơhlom hơđong rơnuk rơnua phara hăng rơnoh pơkă hlâo, ơi Trần Thanh Mẫn, Khua git gai pơ ala mơnuih ƀôn sang dêh čar pơtong rơđah tơhnal pơkă, bruă pơhlom, tơlơi gêh găl, hrơi blan ngă tui hăng tơlơi phiăn krăp lăng, jŭ yap glăi hŭi hơmâo tơlơi bơbeč yua.

Kơ pô tŭ mă boh tŭ yua hăng lăi pơthâo bruă pơblih, mă prăk hơmâo tơlơi đing đăo ƀu tơpă, kiăng pơtô brơi rơđah rơđong, anăp brơi ngă tui hnơ̆ng pơkă khom bơtŭ ư hrŏm sa hnơ̆ng mơ̆n. Pơdjơ̆ nao bruă mă wai lăng kông ngăn pơhlom brơi rơnoh hră akŏ prăk sĭ mơdrô mơ̆ng sang bruă mơdrô gah sang bruă prăk gah bruă mơdrô, Khua git gai pơ ala mơnuih ƀôn sang dêh čar ta pơtong rơđah tơlơi dưi, bruă ngă mơ̆ng hơdôm bơnah hăng tơlơi phiăn krăp lăng anŏ bơrơsua tơlơi tŭ yua tơdruă, khom ngă djơ̆ tơlơi phiăn pơkă sit bơbeč djơ̆.