Ƀuh rơđah kơčăo bruă Đang bơnga anih hyu ngui Bến Nhà Rồng-Khánh Hội hăng glông kyâo tơ-ui amăng đang bơnga hyu ngui Bến Bạch Đằng, prong rơhaih truh 73 hektar, rơnoh prăk tuh pơ alin 29,3 rơbâo klai prăk.

Kơčăo bruă pơkra glăi jơlan Nguyễn Tất Thành prong djop 10 boh rơdêh nao sa amăng plĕ, man pơkra jơlan mur, mut gah rơgup lŏn Hoàng Diệu, man pơdong phrâo hăng pok prong tơdrông tua Tân Thuận, tuh pơ alin čuk pơkra anih jưh rơdêh, tơdrông kompan, tơdrun đĭ trun ƀơi hang ia, pơkra ming anŏ djru boh thâo ia rơgơi gêh găl phrâo. Sa tơlơi lăp đing nao lĕ tơdrôn tua pioh rơbat tơkai rô nao rai, găn ia krông Sài Gòn pơtruh nao rai Bến Nhà Rồng hăng Bến Bạch Đằng, hrŏm hăng lu khul ring bruă djă pioh gru grua-gru phun anih rơhaih prong 11 hektar ƀơi Bến Nhà Rồng, djru ngă pơhiam tui ƀô̆ mơta phrâo amăng kual tong kẻah ƀôn prong.