Ngă tui Jơlan hơdră gum hrom dua bơnah gơgrong hlâo lăi pơhing truh mơnuih ƀôn sang, neh wa djuai ania ƀiă hơdôm hơdră pơtrun, Tơlơi pơtrun pơsit mơng Ping gah, hơdră bruă tơlơi phiăn mơng Kơnuk kơna kơ bruă djuai ania, hơdră bruă pioh kơ djuai ania hăng pran gum hrom hơbit djuai ania. Hrom hăng anun pơphun hơdôm bruă mă tơlơi pơhing pơsur neh wa djop djuai ania ƀiă gum hrom ngă tui klă hơdôm jơlan hơdră pơkă mơng dêh čar.

Pơhiăp črâo ba bruă jơnum, ơi Đỗ Văn Chiến, Khua Jơnum min djop djuai ania mơnuih mơnam lŏn ia Việt Nam pơsit yôm bruă gum hrom dua bơnah djru sit nik amăng bruă pơjing hơdră bruă; rơkâo pơ̆ anăp anai dua bơnah gum hrom pok pơhai ngă tui ba glăi bôh tơhnal hơdôm jơlan hơdră, hơdră bruă, akô̆ bruă pơđĭ kyar kual neh wa djuai ania ƀiă, biă ñu lĕ jơlan hơdră pơkă mơng lŏn ia pơđĭ kyar bơwih ƀong – mơnuih mơnam kual neh wa djuai ania ƀiă, kual čư̆ siăng rơwang mơng thun 2021-2023./.