Tơlơi jơnum ngui anai lĕ sa amăng hơdôm bruă mă amăng Jơnum ngui kơphê Buôn Ma Thuột tal 9 thun 2025, čơkă mơ-ak hơdor glăi 50 thun tlaih rơngai Buôn Ma Thuột. Mơ̆ng blok đang blung a anai, phun kơphê hmâo pơlar hyu djop kual Dap Kơdư, jing phun pla ba jơlan hlâo ba glăi tơlơi hơdip mơda pơđĭ kyar kơ mơnuih ƀôn sang.

Đơ đam tơring čar Dak Lak ră anai hmâo năng ai ñu 210.000 ektar đang kơphê, mrô kơphê rim thun rơbêh kơ 550.000 tơn kơphê asar krô. Pơhrui glăi mơ̆ng tơring čar hmâo 1,2 klai dolar Mi mơ̆ng kơphê sĭ kơ dêh čar tač rơngiao. Ơi Nguyễn Thiên Văn – Kơ-iăng Khua Jơnum min mơnuih ƀôn sang tơring čar Dak Lak brơi thâo, thun blung a tơring čar pơphun Jơnum ngui blok đang kơphê, jing sa amăng hơdôm tơlơi kiăng lăi nao mơ̆ng Jơnum ngui kơphê Buôn Ma Thuột, djru lăi pơhưč hơdôm gơnam mă mơ̆ng đang hmua truh tuai hyu čuă ngui./.