Pơhiăp git gai mông jơnum, Khua ping gah, Khua mir sir ơi Tô Lâm tŭ yap, bơni kơ hơdôm bruă hơmâo ngă hmư̆ hing mơ̆ng Ping gah khul ling tơhan, djŏp gưl khul grup ping gah, khua mua djŏp gưl hăng ƀing khua, tơhan amăng abih bang khul tơhan lơ̆m ngă bruă hơmâo jao thun blan rơgao; laih dong kiăng pơ anăp, ping gah, khua git gai djŏp gưl pơthâo rơđah, dlăm hloh kơ tơlơi pơtrun “Pơgang ba Lŏn ia tañ, mơ̆ng ataih pơphun hăng tơlơi rơgơi tañ thâo krăn, him lăng hlâo mơ̆ng ataih, laih anun ngă bruă hlâo”.

Ñu git gai anom bruă mơ̆ng Ping gah khul ling tơhan, Ding jum Ling tơhan pơƀut pơđĭ tơlơi rơgơi kơsem min, đao lăng hlâo pơphô bruă yom; thâo krăn hlâo djŏp tơlơi hŭi rơhyưt juăt hơmâo wơ̆t hăng tơlơi rơnuk rơnua aka ƀu phiah ôh, tơlơi hŭi rơhyưt amăng plang internet. Tŏ tui pơđĭ anŏ klă bruă pơtŏp hrăm, kjăp blah ngă, wai lăng kjăp rơngit adai, kual ia rơsĭ, guai dêh čar, amăng lăm, amăng plang internet; gir pơgang ba kjăp tơlơi rơngai, tơlơi dưi ngă pô, pơlir hơbit, abih bang lŏn tơnah hăng tơlơi gêh găl, klă hiam mơ̆ng djuai ania./.