Amăng 5 thun rơgao, anom bruă hmâo pơtui jua pơhiăp giăm truh 12.000 mơta tơlơi čih pơhing, pơtui amăng glông pôr pơhing mơ̆ng Gong phun jua pơhiăp dêh čar Việt Nam hăng hơdôm jơlan hơdră pơtui jua pơhiăp tơlơi djuai ania ƀiă ƀơi kual. Khua git gai Ping gah, Khua ƀirô ơi Lê Hải Sơn lăi rơđah, anom lăng bruă pơtui jua pơhiăp tơlơi djuai ania ƀiă lĕ bruă mă phun, ba jua pơhiăp mơ̆ng Ping gah, Kơnuk kơna truh hăng rơbêh kơ 2 klăk čô mơnuih djuai ania ƀiă kual Dap Kơdư hăng kual jum dar.

Črâo ba Jơnum, ơi Nguyễn Văn Chí, Kơ-iăng Khua git gai ping gah juăt bruă Ping gah Gong phun jua pơhiăp dêh čar Việt Nam rơkâo anom bruă prăp lui jơlan gah mơnuih mă bruă lăp djơ̆ tơdơi kơ pơmut hrŏm hơdôm bôh plơi pla; pơplih phrâo hơdră lăi pơhing kơ neh wa djuai ania ƀiă; pơtrut kơtang bôh thâo măi mok phrâo amăng bruă mă, anăp nao hơdră “pôr pơhing rơnuk phrâo, wai lăng thâo rơgơi, mă yua măi mok mrô”./.