Pơhiăp ƀơi mông jơnum, Khua dêh čar lăi: Tơlơi kiăng prong hloh lĕ truh hrơi ngă lơphet 100 thun akŏ pơdong Ping gah hăng lŏn ia, Việt Nam khŏm pơđĭ kyar tañ, mơtah, hơđong kjăp hăng đĭ kyar dua mrô. Kiăng dưi ngă, kiăng lu tơlơi gêh gal, amăng anun Anom bruă prăk jar kmar amra gơgrong bruă yôm biă mă, pơhrua tui mrô prăk pioh đĭ kyar.

Khua dêh čar git gai, kiăng anom bruă dưi ngă truh kih, kiăng čih pơkra tơlơi phiăn pơplih tui rơnuk phrâo, rơđah rơđông, ngă gêh gal brơi tuh pơ alin bơwih ƀong. Laih dong, khŏm man pơkra giong anih anom hiam, kjăp, djơ̆ hăng tơlơi kiăng đĭ kyar, lăp djơ̆ hăng pơplih ƀơi jar kmar wơ̆t hăng tơlơi hơmâo mơ̆ng Việt Nam. Kơ mơnuih mă bruă, Khua dêh čar lăi kiăng hơmâo mơnuih mă bruă rơgơi, apăn bruă. Biă ñu, akŏ pơdong anih bơwih ƀong sĭ mơdrô mơ-ak kơ pô tuh pơ alin, anăp nao “tơlơi bơwih ƀong tui hluai” hơmâo jơlan hơdră ngă bruă lăp djơ̆./.