Hrơi mơyut jôk ơi Trần Đức Lương hơmâo pơphun tui hơdră gưl dêh čar.  Drơi jăn ơi Trần Đức Lương hơmâo dưm amăng bông ƀơi sang mơyut jôk dêh čar, sang mrô 5 Trần Thánh Tông, ƀôn prong Hà Nội.

Mông mơyut jôk ơi Trần Đức Lương hơmâo pơphun ƀơi sang mơyut jôk dêh čar, sang mrô 5 Trần Thánh Tông, ƀôn prong Hà Nội, mơng 7 mông mơguah lơ 24/5/2025 truh 7 mông mơguah lơ 25/5/2025.

Hrơi mơyut ơi Trần Đức Lương hơmâo pơphun yôm phăn lơm 7 mông mơguah lơq 25/5/2025 ƀơi sang mơyut jôk dêh čar, sang mrô 5 Trần Thánh Tông, ƀôn prong Hà Nội. Mông ba nao dor lơm 3 mông tlam hrơi anai mơn ƀơi pơsat plơi pla, să Phổ Khánh, plơi prong Đức Phổ, tơring čar Quảng Ngãi.

Ăt amăng hrơi mông anai, ƀơi sang jơnum Thống Nhất, ƀôn prong Hồ Chí Minh hăng sang jơnum T50, anom bruă git gai ling tơhan tơring čar Quảng Ngãi, sang mrô 142 Lê Trung Đình, plơi prong Quảng Ngãi ăt pơphun mơyut jôk kơ ơi Trần Đức Lương.

Gong pơdah rup hăng Gong phun jua pơhiăp dêh čar Việt Nam amra pơdah pơƀuh ƀơi anăp kơ mông mơyut jôk hăng ba nao dor ơi Trần Đức Lương ƀơi ƀôn prong Hà Nội, ƀôn prong Hồ Chí Minh hăng tơring čar Quảng Ngãi.

Amăng 2 hrơi pơphun mơyut jôk ơi Trần Đức Lương, Ding kơna Ding jum kơđi čar, Khua mir sir dêh čar Việt Nam hơđăp (mơng lơ 24 truh lơ 25 blan 5 thun 2025), hơdôm anom bruă, sang bruă, plơi pla tol yôl akhăn gru, ƀu dưi pơphun tơlơi ngui ngor hơget ôh.