Jơnum yua kơ Jơnum min mơnuih ƀôn sang tơring čar Khánh Hòa gum hrŏm hăng Ding jum pơtom hiăp, Ƀirô anih jưh pơ ala dêh čar Indonesia pơphun, hăng tơlơi gum hrŏm mơ̆ng rơbêh kơ 350 čô khua pơ ala. Ră anai, amăng ASEAN, Indonesia lĕ bơnah sĭ mơdrô nao rai prong dŏng tal 3 mơ̆ng dêh čar Việt Nam, bơ̆ Việt Nam lĕ bơnah gum hrŏm prong dŏng tal 4 mơ̆ng Indonesia.

Hơdôm hrơi rơgao, prăk pơhrui glăi mơ̆ng gơnam sĭ mơdrô nao rai kơplah wah 2 bôh dêh čar hmâo kơtưn klă, mơ̆ng 9 klai dolar Mi amăng thun 2019 đĭ laih 14 klai dolar Mi amăng thun 2023. 2 bôh dêh čar glăk gum hrŏm ƀơi lu bruă kah hăng đang hmua – akan hơdang, tuai čuă ngui, bơkơtuai mơnuih ƀôn sang, pơtô pơhrăm – pơtô juăt... Amăng mông jơnum, khua tơring čar Khánh Hòa hăng ƀing khua pơ ala mơnuih ƀôn sang mơ̆ng Indonesia gum hrŏm bơkơtuai kơ kơtưn gum hrŏm hơdôm bruă kah hăng bruă đang hmua yua hơdră phrâo, akan hơdang kơjăp sui thun, bơwih ƀong mrô hăng gum hrŏm tuai čuă ngui, pơtrut blơi sĭ gơnam hăng dêh čar tač rơngiao./.