Klah čun ƀơi mông jơnum, Khua ping gah, khua mir sir ơi Tô Lâm lăi pơtong, lơ̆m thun blan hlăk pơhno kơtang gah bruă boh thâo ia rơgơi amăng rŏng lŏn tơnah jai hrơi kơtang, bruă pok pơhai ngă tui Hră pơtrun 57 ƀu kơnong sa tơlơi pơmin jŭ yap pơsir tơlơi kơƀah, anŏ ngă kơdun glăi đôč ôh, dŏ jing sa bruă mă djă pioh tơlơi hơdip mơda hăng tơlơi đăo kơnang, kơjăp pran jua yom biă mă kơ dêh čar.

Kơ bruă pơblih ba yua mrô dêh čar, Khua ping gah, khua mir sir ơi Tô Lâm lăi pơtong, thun blan pơ anăp khom pơtrut kơtang hloh pơblih yua mrô amăng sang bruă mơdrô hăng abih bang mơnuih mơnam dêh čar. Prăp lui khul mơnuih mă bruă thâo ba yua ia rơgơi kơñ pơgi, ơi Tô Lăi pơtrun hiăp amăng thun hrăm 2026 anai mơtam, anom bruă pơtô hăng pơjuăt kiăng hơmâo tơlơi pơblih kơtang amăng bruă anăp nao pơtô hrăm kơsem min boh thâo ia rơgơi phrâo, phun aliăng, rah anah ia rơgơi kơ čơđai sang hră gưl prong mut hrăm sang hră gưl prong thun anai, amra pơsit  kơnuih tơlơi thâo kơ mơnuih apăn bruă ngă khua boh thâo ia rơgơi kơ lŏn ia amăng 10 thun pơ anăp adih.