Pơhiăp klah čun ƀơi mông jơnum, Kơ-iăng khua dêh čar yă Phạm Thị Thanh Trà pơsit, ƀing tha leng kơ hơmâo Ping gah, Kơnuk kơna lăng yom biă mă. Găn rơgao 7 blan thun 2026, bruă gah ƀing tha hơmâo anŏ klă, tŭ yua ƀơi lu mơta bruă, mơ̆ng tơlơi phiăn, pok prong bruă djru ba tơlơi hơdip mơda, lăng ba tơlơi suaih pral truh kơ pơtrut tui tơlơi gơgrong bruă, tơlơi rơgơi mơ̆ng ƀing tha.

Mơ̆ng anai truh abih thun 2026, Kơ-iăng khua dêh čar kiăng čih pơkra giong hơdră djru dưi bong glăi hăng bruă mơnuih tha jai hrơi lu; pơđĭ tui anŏ klă sang ia jrao kơ ƀing tha, ngă brơi añrăng, hơmâo pran jua, wai lăng ba sui, wai lăng kiăng plai ƀiă hơmâo tơlơi ruă; ngă hră pơ-ar tơlơi suaih pral amăng điện tử kơ ƀing tha ƀơi đơ đam čar ta, laih anun pơtruh hăng hơdôm glông djă pioh hră bơdjơ̆ nao./.