Truh ră anai, dêh čar ta hơmâo 31 rơbâo 364 anom ngă ƀong hrŏm, 133 khul pơlir hơbit ngă ƀong hrŏm hăng 120 rơbâo 983 ƀut ngă hrŏm. Hơdôm thun laih rơgao, hơdôm anom ngă ƀong hrŏm hơmâo pơđĭ kyar phara hloh, hăng lu bruă mă prong hloh, rơgơi hloh kơ ding kơna, djru hơmâo bruă mă, pơđĭ tui prăk pơhrui kơ mơnuih mă bruă. Khă hnun, rơngiao kơ prăk kăk, hơdôm anom bruă ngă ƀong hrŏm ră anai glăk pơsir hĭ bruă kiăng hơmâo mơnuih mă bruă rơgơi...Tui hăng ƀing khua, pơtô pơjuăt bruă mă kơ anom ngă ƀong hrŏm jing bruă yôm biă, jing sa amăng hơdôm grup hơmâo Kơnuk kơna djru, pơdah rơđah amăng Tơlơi phiăn anom ngă ƀong hrŏm thun 2023.

Amăng hrơi mông anai, kiăng pơtŏng glăi rơđah hloh kơ tơlơi phiăn, hơdră djru hăng hơmâo hơdră ngă bruă tŭ yua, sit nik amăng bruă pơtô pơjuăt mơnuih mă bruă rơgơi mơ̆ng kual bơwih ƀong hrŏm, anom ngă ƀong hrŏm.