Đĭ pơhiăp git gai mông jơnum, Khua git gai pơ ala mơnuih ƀôn sang dêh čar ơi Trần Thanh Mẫn tŭ yap hăng pơpŭ hơdôm bruă mă mơng anom bruă Khua pơ ala mơnuih ƀôn sang dêh čar, hơdôm anom bruă hơmâo tơlơi gir run, pơsir hĭ lu bruă mă hăng boh than ba glăi klă ƀiă.

Lăi pơtong thun 2025 lĕ thun pơphun Jơnum Ping gah djop gưl, anăp nao jơnum Ping gah đơ đam dêh čar tal 14; prap lui tal plĕ hră ruah Khua pơ ala mơnuih ƀôn sang dêh čar tal 16 hăng plĕ hră ruah Jơnum min pơ ala mơnuih ƀôn sang djop gưl rơwang thun 2026-2031; thun pơphun lu bruă kơđi čar yôm phăn anun lĕ tal hơdor glăi 95 thun hrơi akŏ pơjing Ping gah, 135 thun hrơi tơkeng Khua mir sir Hồ Chí Minh, 50 thun hrơi blah dưi kual Dơnung, pơlir hơbit lŏn ia ta, 80 thun hrơi akŏ pơjing lŏn ia, prap lui tal hơdor glăi 80 thun hrơi pơphun plĕ hră ruah Khua pơ ala mơnuih ƀôn sang dêh čar Việt Nam blung a, Khua git gai pơ ala mơnuih ƀôn sang dêh čar ơi Trần Thanh Mẫn rơkâo anom bruă Khua pơ ala mơnuih ƀôn sang dêh čar, Ping gah anom bruă hăng khul mơnuih mă bruă mut phung tŏ tui pran jua gơgrong, gum pơgôp, pơčeh phrâo kiăng pơgiong klă bruă jao.