Pơhiăp pơtum glăi ƀơi mông jơnum, Kơ-iăng khua git gai pơ ala mơnuih ƀôn sang, Thượng tướng Trần Quang Phương lăi, thun 2024 jing thun blung a mă yua Tơlơi pơtrun mrô 969.

Kiăng pơđĭ tui boh tŭ yua bruă lăi pơthâo glăi djơ̆ tui hăng tơlơi pơtrun mơ̆ng Ping gah, Kơnuk kơna, kiăng dưm kơnar, prăp rơmet hlâo lơ̆m ngă bruă, Kơ-iăng khua git gai pơ ala mơnuih ƀôn sang dêh čar kiăng hơdôm anom bruă khŏm thâo djŏp, ngă tui djŏp Tơlơi pơtrun 969, thâo kjăp bruă, tum pơƀut tơlơi pơhing kiăo tui bruă hơmâo jao wai lăng ƀudah hơmâo Jơnum min apăn bruă pơ ala mơnuih ƀôn sang jao bruă ruah tơlơi či lăi pơthâo rơđah rơđông amăng jơlan hơdră krăp lăng rim thun mơ̆ng Khul wai lăng djuai ania hăng hơdôm Jơnum min mơ̆ng Ƀirô khua pơ ala mơnuih ƀôn sang dêh čar.