Ƀơi mông jơnum, ơi Đỗ Văn Chiến, ding kơna khul git gai ping gah dêh čar, Khua Jơnum min djop djuai ania mơnuih mơnam Việt Nam, Kơ-iăng Khua Khul wai lăng bruă pơphun pơplông hăng apah bơni dêh čar hơmâo bơni hăng lăi pơtong boh tơhnal pơplông ƀudah pơkơtưn mă bruă mơ̆ng 5 boh ƀôn prong, djru hrŏm amăng bruă pơđĭ kyar bơwih ƀong huă ƀơi dêh čar. Lăi pơtong, thun 2024 jing thun yôm pơphăn hloh, rơnoh pơđĭ kyar kiăng pơtrut tui tŭ mă boh tơhnal pơkă kơ bơwih ƀong huă mơnuih mơnam mơ̆ng jơnum ruah khua ping gah tal 13 pơtrun laih anun bruă mă sa rơwang 5 thun yap mơ̆ng thun 2021-2025 laih anun ngă tui hră pơtrun ruah khua ping gah mơ̆ng rim ƀôn prong.

Yua kơ anun, djop ƀôn prong anai kiăng ngă tui djơ̆ akŏ bruă git gai pơčrâo ba thun 2024 mơ̆ng kơnuk kơna pioh pơtong rơđah tong ten pok pơhai bruă mă kơ rim boh ƀôn prong, pơphun jak iâu bruă mă pơkơtưn khăp kơ lŏn ia prong hloh, kiăng pơtrut pơsur djop gưl mơnuih ƀôn sang, ƀing ngă bruă sĭ mơdrô bơwih ƀong huă pơsir tơlơi tơnap tap, gir run ngă pơgiong akŏ bruă jao mơ̆ng hơdôm blan akŏ thun, akŏ rơwang klâo blan tal sa akŏ thun mơtam.