Mơguah lơ 2/4, ƀơi tơring čar Khánh Hòa, Jơnum pôr pơthâo akŏ bruă hăng pơphun bruă mă tuh pơ alin ƀơi tơring čar Khánh Hòa thun 2023 yua kơ Ding jum Man pơphô hăng tuh pơ alin ngă hrom tơring čar Khánh Hòa jơnum. Khua dêh čar ơi Phạm Minh Chính nao jơnum hăng git gai mông jơnum. Jơnum pôr pơthâo akŏ bruă hăng pơphun tuh pơ alin ƀơi tơring čar Khánh Hòa thun 2023 lĕ sa bruă mă lăp hơdor pioh yôm biă mă, djơ̆ thun hơdor glăi tal 370 thun man pơdong hăng pơđĭ kyar tơring čar Khánh Hòa hăng 48 thun pơklaih rơngai tơring čar Khánh Hòa.

Kơ anăp mă bruă, hơdră pơsir pơ anăp adih, Khua dêh čar ơi Phạm Minh Chính pơtrun hiăp, tơring čar Khánh Hòa tañ ngă pơgiong, pok pơhai tŭ yua akŏ bruă, boh nik ñu pơhlôm hơđong bruă mă lir hơbit, laih dơ̆ng, tŭ ư sa hnong, lăng nao pơ anao adih pơđĭ kyar ngă hrom amăng kual pơđĭ tui anŏ gêh găl, bơwih ƀong huă kơ mơnuih mơnam hăng pơgang anih dŏ jum dar.