Khua ping gah, khua mir sir brơi thâo, tal ĕp lăng anai, sem djop mơta, krăp lăng tong ten amăng bruă mă rim čô khua apăn bruă hăng bruă ngă tui hră pơtrun, jơlan hơdră mơ̆ng ping gah, ding jum kơđi čar mơ̆ng akŏ thun 2025 truh ră anai.

Tơlơi jŭ yap boh tơhnal amăng bruă mă hơmâo pơƀuh rơđah bruă ngă amăng sang bruă kơnuk kơna hăng khul khua mua apăn bruă. Khua ping gah, khua mir sir lăi, lơ̆n ia yak nao amăng črăn pơđĭ kyar phrâo, kiăng ngă tui tơlơi pơtrun hmar hloh, sa hnơ̆ng, jĕ giăm tong ten hăng bruă mă hơmâo sit nik. Mơ̆ng boh tơhnal ĕp lăng, krăp lăng, pơčrâo ba 6 mơta bruă jao, hơdră ngă phun rơđah laih. Ƀing khua mua lăi pơthâo čih pơkra tơlơi phiăn, akŏ bruă dăp pơ anăp adih, kiăng nao giăm, tong ten hloh hăng bruă mă hơmâo ƀơi djop tơring čar, pơkra ming, sĭ mơdrô hăng tơlơi hơdip mơda mơnuih ƀôn sang.