Pơhiăp pok pơphun ƀơi mông jơnum, Khua dêh čar ơi Lê Minh Hưng kiăng pơklaih hĭ anŏ ngă tơnap, tơlơi gun amăng tơlơi pơkă, hơdră djru, amăng anun pơsit rơđah anŏ kơđông hơget kiăng pơsir brơi đah mơ̆ng plai ƀiă rơngiă mông mơ̆ng bruă kơsem min truh kơ pơkra rai laih anun ba sĭ pơ anih mơdrô. Biă ñu, prăk kăk khŏm pơplih klă, phara hơjăn kơ bruă đĭ kyar boh thâo ia rơgơi hăng pơčeh tơlơi rơgơi phrâo.

Rơngiao kơ anun, pơđĭ tui tơlơi pơkă, hơdră ngă bruă đah mơ̆ng pơklaih brơi anŏ tơnap amăng bruă wai lăng, git gai, mă yua hăng kah pơpha anih kơsem min boh thâo; pơtrut anom bơwih ƀong mơnuih ƀôn sang ngă pô gum tuh pơ alin, mă bruă, mă yua anih anom kơsem min ngă lăng hlâo laih anun sĭ mơdrô gơnam mơta gơnam boh thâo yom hloh, biă ñu amăng hơdôm bruă dưi pok pơhai tañ./.