Ƀrô ngă lơphet 92 thun hrơi akŏ pơdong Khul hlăk ai mut phung Hồ Chí Minh, mơguah anai, lơ 17/3, Khul khua apăn bruă git gai hlăk ai mut phung Hồ Chí Minh pơphun jơnum “Tơlơi pơhiăp mơng hlăk ai - Bruă ngă mơng Khul hlăk ai”. Mông jơnum hơmâo bưp ƀơi anăp wơ̆t hăng lăng mơng ataih amăng tivi pơtruh nao rai hăng hơdôm khul hlăk ai tơring čar, ƀon prong, hơdôm grup hlăk ai, khul hlăk ai pơ dêh čar tač rơngiao.

Mông jơnum hơmâo 2 mơta bruă: Mơta sa jơnum “Pơtrut tui pran kơtang mơng hlăk ai akŏ pơdong lŏn ia pơdrong asah, yâo mơ-ak” lăi nao hơdră pơđĭ tui anŏ klă, boh tŭ yua amăng bruă pơtô hrăm; hơdôm bruă ngă hơkrŭ; pơphun akŏ pơdong khul hlăk ai - hlăk ai gum akŏ pơdong Ping gah; pok prong bruă gum pơgôp pơlir hơbit hlăk ai hăng pơtrut tui pran jua rơkâo ngă bruă mă pô, nao hlâo ngă bruă, gum pơgôp hăng tơdruă, thâo rơgơi, khin hơtai ngă bruă mơng hlăk ai gum akŏ pơdong lŏn ia pơdrong asah, yâo mơ-ak tui pran jua Jơnum ping gah dêh čar tal 13. Mơta dua hơmâo tơlơi akŏ phun lĕ bơlăi nao hơdră ngă bruă mơng khul grup hlăk ai amăng bruă wai lăng, djru ba hlăk ai čơđai anet dưi đĭ kyar amăng djŏp bruă.