Amăng mông jơnum, ƀing khua pơ ala dưi hmư̆ akô̆ bruă “Gru pơđom pioh bơwih ƀong Việt Nam thun 2022, hơdôm tơlơi tơnap, tơlơi lông hăng tơlơi čang rơmang thun 2023” hăng sa dua tơlơi pơhing bơkơtuai amăng blan sa hăng blan 2/2023. Bôh yôm tơlơi pơhing hmâo djru kơ mơnuih apăn bruă, mơnuih ping gah, mơnuih mă bruă amăng Khul hmâo tơhnal lăng abih bang, hăng lu tơlơi pơhing phrâo kơ bơwih ƀong Việt Nam hơdôm hrơi rơgao.

Gah jơlan gah pơsit amăng 3 blan tal 2 pơ̆ anăp, Ping gah Khul hơdôm bôh ƀirô Kơnuk kơna rơkâo, hơdôm ping gah gah khul kiăo tui hăng đing nao ngă tui ba glăi bôh tơhnal Tơlơi pơtrun pơsit jơnum tal 13 mơng Ping gah, Bruă pơđĭ kyar bơwih ƀong mơnuih mơnam 10 thun 2021-2030, Kơčăo bruă pơđĭ kyar bơwih ƀong mơnuih mơnam 5 thun 2021-2025; Klah čun mơng Kơnuk kơna, Ding jum kơđi čar, Grŭp git gai Ping gah hăng Tơlơi pơtrun pơsit mơng Khua pơ ala mơnuih ƀôn sang kơ Kơčăo bruă pơđĭ kyar bơwih ƀong mơnuih mơnam thun 2023. Gum hrom hơbit dong, gir run, pơsit pran jua mă bruă lu hloh; hơkrŭ pơsir tơlơi tơnap, hơneč mă tơhnal gal kiăng pơtrut hơkrŭ glăi hăng pơđĭ kyar bơwih ƀong mơnuih mơnam./.