Samơ̆, bruă pơhrui glăi lŏn mơnai, man pơdong plơi pla phrâo hăng pơphun ngă tui akŏ bruă ăt lĕ hơdôm tơlơi gun prong bơdjơ̆ nao bruă tuh pơ alin hăng pơđĭ kyar bơwih ƀong huă. Kiăng pơgiong hơnong pơkă GRDP 6 blan akŏ thun đĭ ƀiă biă mă ñu 9,1%, Khua Jơnum min mơnuih ƀon sang tơring čar Khánh Hòa Nguyễn Việt Hùng rơkâo djop gơnong bruă, sang bruă hăng gong gai ƀon lan đing nao pơsir hĭ tơnap tap brơi anom bơwih ƀong sĭ mơdrô, pok prong anih blơi mut gơnam, pơtrut tuh tia pơkra ming, pơđuăi brơi kơtang hloh mơng hơdôm boh sang hră apui lơtrik hăng pơtrut ngă tañ hơdôm akŏ bruă phun.

Tơring čar ăt rơkâo đing nao ngăn rơnoh brơi bruă pơhrui glăi lŏn mơnai, man pơdong plơi pla phrâo, tuh pơ alin hăng jao prăk tuh pơ alin man pơdong, sit biă ñu lĕ man pơkra jơlan glông, akŏ bruă pơtrut pơđĭ kyar hăng hơdôm kual plơi pla phrâo.