Tơdơi kơ ha thun pok pơhai, gong gai hơmâo tŭ yap lu tơlơi pơplih amăng bruă wai lăng, pơplih mrô hăng kah gưl brơi ƀon lan, samơ̆ ăt dŏ lu tơlơi tơnap tap kơ mơnuih mă bruă, prăk kak hăng ngă hră pơ-ar. Amăng mông jơnum, djop ƀon lan mơ-it nao 110 tơlơi pơgôp hiăp bơdjơ̆ nao tơlơi gun găn amăng anih anom mă bruă, sit biă ñu lĕ kơƀah mơnuih mă bruă phara amăng anun hơdôm bruă yua măi mok, bruă wai lăng-jŭ yap prăk kak, lŏn mơnai, man pơdong.

Lu tơlơi pơgôp hiăp brơi thâo, bruă kah gưl aka nao hrŏm hăng djop ngăn rơnoh hăng črâo ba bruă mă lăp djơ̆. Mah tơring čar hơmâo pơhrua rơbêh 6.500 klai prăk brơi gưl să, lu anih ăt aka ƀu mă yua klă prăk jao. Khánh Hòa rơkâo gơnong glông tañ ba tơbiă hơdră pơplih apah prăk tui anih mă bruă, brơi ngă bruă tui hră pơkôl amăng rơwang blung a hăng pơgiong tơhnal pơkă pơsir hĭ bruă sang dŏ, lŏn mơnai lui mă yua tơdơi kơ pơmut hrŏm.