Tui hăng anun, bruă pơpha bruă mă kơ ơi Đặng Đức Hiệp, ding kơna khul apăn bruă phun ping gah tơring čar, khua git gai ping gah phường Xuân Hương-Đà Lạt nao ngă bruă amăng grup khua pơ ala mơnuih ƀôn sang dêh čar ƀơi tơring čar, ngă Kơ-iăng khua grup pơ ala mơnuih ƀôn sang dêh čar ƀơi Lâm Đồng. Ơi Nguyễn Văn Lộc, Khua Gơnong bruă Gru grua Pơrơguăt drơi jăn hăng Tuai čuă ngui tơring čar Lâm Đồng brơi nao ngă khua git gai ping gah phường Xuân Hương-Đà Lạt.

Tơring čar ăt pơpha bruă, ruah ơi Hoàng Thanh Hải, Kơ-iăng khua ping gah ƀirô djop anom bruă ping gah tơring čar glăi ngă khua ping gah să Ninh Gia. Ơi Phan Nhật Thanh, Kơ-iăng khua Gơnong bruă Man pơdong dưi ruah ngă kơ-iăng khua ƀirô ping gah tơring čar Lâm Đồng. Ơi Trần Đình Ninh, Kơ-iăng khua  Gơnong bruă prăk kăk dưi ruah ngă kơ-iăng khua anom Pơtô bruă ping gah hăng pơtô mơnuih ƀôn sang tơring čar Lâm Đồng. Laih dơ̆ng, tơring čar ăt pôr pơthâo hơdôm pok hră pơtrun, pơđĭ bruă Kơ-iăng khua ƀirô Jơnum min mơnuih ƀôn sang tơring čar, Kơ-iăng khua anom bruă ĕp kơđi djop mơta bruă tơring čar, Kơ-iăng khua Gơnong bruă prăk kăk, Kơ-iăng khua gơnong bruă pơtom hiăp, Khua anom bruă wai lăng anih anom tuai čuă ngui gưl dêh čar dơnao Hồ Tuyền Lâm.