Hơdôm pok hră pơtrun pơtum nao bruă pơdjop, pơphun bruă mă, mơnuih mă bruă; ƀư̆ pơkra glăi hnơ̆ng pơkă ƀơi tơring mơ̆ng thun 2021-2030, lăng nao pơ thun 2050; čih pơkra glăi tơlơi pơkă pơdjơ̆ nao gah lŏn mơnai, glai klô; pơpha rơnoh prăk tuh pơ alin kơ bruă čar; pok pơhai jơlan hơdră čan prăk, pơsir bruă mă, pơgang tơlơi hơdip mơda mơnuih mơnam hăng djă pioh kông ngăn gru grua čing hơgor.

Jơnum tal anai, pơtong rơđah thun 2026 lăng yom biă mă lơ̆m tơring čar Dak Lak hlăk pơblih kơtang, ngă tui gong gai kơnuk kơna 2 gưl. Lơ̆m anun rơnoh GRDP 3 blan tal I kơnong pơhrui mă 7,47% đôč, ƀiă hloh rơnoh pơkă hlâo, anŏ či kiăng amăng abih thun mơ̆ng 10% pơngŏ, khul pơ ala mơnuih ƀôn sang tơring čar, rơkâo djop gưl anom bruă tañ lăi pơthâo tong ten, rơđah rơđong hloh tui hăng hră pơtrun “6 rơđah-1 hluh gah”, khom pơhlom djơ̆ mơnuih, djơ̆ bruă, djơ̆ pô glăm ba hăng boh tŭ yua ngă tui.