Đĭ pơhiăp pơđut mông mă bruă, Khua dêh čar brơi thâo kual Yŭ Dơnung lăi hrŏm hăng tơring čar Vĩnh Long hnun mơn ăt dŏ lu bruă kiăng ngă kah dưi ngă tui hơnong pơkă pơđĭ kyar hơmâo ba tơbiă. Sit biă ñu, rơnoh pơđĭ kyar GRDP rơwang tal I/2026 amăng tơring čar 5,3%, aka ƀu djơ̆ jơlan gah hơmâo akŏ pơjing. Khua dêh čar rơkâo Vĩnh Long pơplih tơlơi pơmĭn, akŏ pơjing hơbô̆ bruă pơđĭ kyar phrâo, mut hrŏm amăng tơlơi pơmĭn hăng bruă mă, pơplih phrâo kơ hơdră ngă bruă, pơtrut tañ bruă pơhưč tuh pơ alin tuh tia pơkra ming, bơwih bơwang hăng pơđĭ kyar ngăn rơnoh klă hloh.

Tui Khua dêh čar, tơring čar kiăng pơčlah hĭ tong ten hơnong pơkă pơđĭ kyar amăng rĭm bruă tuh tia pơkra ming, man pơdong, sĭ mơdrô, bơwih bơwang hăng ngă hmua; jao bruă tong ten brơi rĭm boh ƀon lan, gơnong bruă, anom bưwih ƀong sĭ mơdrô hrŏm hăng ngăn rơnoh ngă tui.