Ƀơi mông jơnum, Khua dêh čar bơni kơ tơlơi gir run mơ̆ng khua mua ping gah, gong gai kơnuk kơna hăng mơnuih ƀôn sang ƀôn prong Cần Thơ dưi ngă laih amăng hơdôm thun laih rơgao. Khă tui anun, khua dêh čar ăt pơčrâo rơđah, rơnoh pơđĭ kyar GRDP mơ̆ng ƀôn prong dăp tal 31/34 boh tơring čar, ƀôn prong; rơnoh pơđĭ kyar mơ̆ng lu anih anom tuh tia pơkra ming sa ƀut, bruă man pơdong aka ƀu pơhưč djơ̆ tơhnal pơkă amăng bruă pơkra ming, ba yua boh thâo ia rơgơi.

Khua dêh čar rơkâo kơ ƀôn prong Cần Thơ pơblih tơlơi pơmin mơ̆ng bruă juăt bơwih brơi pơtrut pơblih phrâo pơđĭ kyar. Khom prăp lui hlâo tơlơi phiăn pơkă, jơlan hơdră yom phara ƀơi ƀôn prong hăng kual plơi pla ngă bruă hơmâo tơlơi pơkă phara, kiăng hneč mă anŏ gêh găl prong, biă mă pơblih yua mă bruă mơ̆ng bruă pơkra ming apui yua hơdjă, man pơdong tơdrun kompan hăng plơi prong. Lăi pơtong, anŏ gêh găl pioh pơđĭ kyar hăng bơwih ƀong huă pơđĭ kyar mơnuih mơnam, Khua dêh čar ơi Lê Minh Hưng lăi, khom pơkă hnơ̆ng atur kơjăp pơhưč tuh pơ alin, kơnang kơ anŏ pơkă ƀôn prong kơnang kơ bruă pơkă hnŏng abih bang, pơkă kual hăng pơkă bruă yua lŏn mơnai pơ anăp adih.