Amăng anun, Gơnong bruă Man pơdong ba jơlan hlâo amăng tơring čar brơi pơhrŏ hĭ 75%; Khul wai lăng anih anom bơwih ƀong huă hăng ƀut sang măi giăm 70%.

Lu mơta hră pơar pơdjơ̆ nao tuh pơ alin, pơkra ming sĭ mơdrô bruă ngă hră pơar tañ hloh, ƀuh rơđah, hơmâo hră pơar đơ đa mơ̆ng 32 hrơi trun dŏ 17 hrơi đôč, djru kơ sang bruă mơdrô pơtrut hmar ƀiă bruă tuh pơ alin tơgŭ mă bruă. Khua mua jơnum min mơnuih ƀôn sang tơring čar Khánh Hòa brơi thâo, bruă pơphun jŭ yap glăi, pơhrŏ mơ̆ng 10 truh 50% hrơi mông ngă hră pơar amăng kơnuk kơna mơ̆ng akŏ thun truh ră anai hơmâo ngă laih, jing sa bruă mă yom pioh pơđĭ tui boh tŭ yua amăng bruă mă, ngă tui gong gai kơnuk kơna dua gưl, laih anun ăt pơtrut kơtang ngă bruă amăng thun blan pơ anăp adih.