Jơnum kiăng lăi pơthâo brơi tơlơi dưi, jơlan gah pơđĭ kyar tơdrun kompăn, logistics hăng jak iâu hơdôm anom bruă tuh pơ alin pơprong mut hrŏm pơđĭ kyar anih anom bơwih ƀong huă kual ia rơsĭ amăng tơring čar. Lu mơnuih kơhnâo pơsit tong, amăng hrơi blan sĭ mơdrô amăng rŏng lŏn tơnah glăk pơplih glăi, Khánh Hòa kiăng pơđĭ kyar ha amăng plĕ tơdrun kompăn, tơdrun gah kơdư hăng anih anom logistics kiăng pơjing glông pơlir logistics phrâo, plih hĭ tuh pơ alin phara brơi rĭm ring bruă.

Vân Phong amra gơgrong ngă glông tơbiă hyu hăng anih pơdŭ pơgiăng hyu amăng jar; Cam Ranh pơđĭ kyar logistics phara; hăng hơdôm tơdrun gah kơdư amra tơkuh nao rai gơnam mơng kual Dap kơdư hăng Dơnung tong krah. Tuh pơ alin tơdrun kompăn hăng tơdrun gah kơdư lăp djơ̆ amra djru ngă giăm ƀiă hrơi mông pơdŭ pơgiăng, hrŏ trun prăk duh logistics brơi anom bơwih ƀong sĭ mơdrô, kơtưn pơlir kual hăng pơtrut pơđĭ kyar bơwih ƀong huă kual ia rơsĭ.