Khua mir sir dêh čar Fiji bơni hơ-ơč Việt Nam kơ boh tơhnal lăp bơni biă mă amăng bruă bong glăi hăng klin Covid 19 hăng rơnoh pơđĭ kyar tañ laih anun pơtrut bơwih ƀong huă ră anai. Fiji kiăng biă mă ngă hrom hăng hrăm tui tơlơi tom găn rơgao mơ̆ng Việt Nam amăng djop bruă, biă mă ñu gah Việt Nam hăng Fiji hơmâo tơlơi gêh găl, hlăk đing nao lu hloh ră anai amăng bruă ngă hrom ƀơi jar kmar.

Khua anih jưh pơ ala pơdah rai pran jua kiăng dua bơnah tañ ngă hră pơkôl, ngă gêh găl tŭ yua amăng bruă ngă hrom dua bơnah sĭ mơdrô, tuh pơ alin, prăk kăk, ăt kah hăng pơdjơ̆ nao bruă rô nao rai mơ̆ng dua bơnah. Khua anih jưh pơ ala rơkâo dêh čar Fiji ngă gêh găl hloh kơ mơnuih ƀôn sang Việt Nam dŏ hơdip mơda mă bruă ƀơi Fiji ăt kah hăng djop sang bruă sĭ mơdrô mơ̆ng Việt Nam ngă hrom, bơwih ƀong huă ƀơi dêh čar.