Tơdơi kơ nao truh pơ plơi prong Điện Biên Phủ, yă Trương Thị Mai hrŏm hăng grup khua mua hyu mă bruă hơmâo nao jao hnăl hlă laih anun jao sang gum pơgôp kơ sang anŏ ơi Lò Văn Minh, plơi Ko Puk, să Hua Thanh, tơring glông Điện Biên.Anai lĕ, sang anŏ ƀun rin, tơnap tap, dưi djru 50 klăk prăk man pơdong sang gum pơgôp. Ƀrô tal anai, yă Trương Thị Mai hrŏm hăng grup hyu mă bruă hơmâo ƀơk 8 anung gơnam kơ sang anŏ ƀun rin ƀơi să Hua Thanh, tơring glông Điện Biên.

Ăt amăng tlam tom brơi mơ̆n, yă Trương Thị Mai hrŏm hăng grup khua mua gơnong dlông laih anun khua mua tơring čar Điện Biên nao ĕp lăng bruă mă prăp rơmet jơnum prong hơdor glăi tal 70 thun hrơi blah dưi ƀơi Điện Biên Phủ ƀơi kơdư A1, tơdron čưng boh lông tơring čar Điện Biên hăng hơdôm arăt jơlan nao rai bơwih brơi kơ bruă rơbat pơtrui hăng rŭi hyu dăp tơhan amăng mông ngă lơphet pơ anăp anai.