Ƀơi mông bưp, khua mua pơ ala djop sang bruă čih tơlơi pơhing lăi pơthâo tơlơi pơgôp hiăp, kiăng tơring čar Lâm Đồng ăt pok pơhư prong, pơblih lu hloh amăng bruă mă kah pơpha tơlơi pơhing sit nik, ngă gêh găl kơ anom bruă čih tơlơi pơhing ngă klă bruă jao pơtô pơblang, pôr pơthâo kơ mơnuih mơnam laih anun anŏ drơ̆ng glăi mơ̆ng mơnuih mơnam kơ bruă čar, djă kjăp tơlơi gơgrong ba ngă pô pơtruh nao rai plah wah ping gah, kơnuk kơna hăng mơnuih ƀôn sang….kiăng pơdah rai bruă ngă, gum hrŏm hơbit pơđĭ kyar ƀơi tơring čar.

Pơhiăp amăng mông bưp, ơi Nguyễn Thái Học, Khua git gai ping gah jăng jai tơring čar Lâm Đồng čih pioh, bơni kơ hơdôm tơlơi pơgôp hiăp mơ̆ng djop anom bruă čih tơlơi pơhing hăng pran jua djru hrŏm akŏ pơdong laih anun glăm ba, laih dơ̆ng čang rơmang djop anom bruă čih tơlơi pơhing ăt ngă hrŏm hăng tơring čar amăng thun blan pơ anăp. Rĭm rơwang pơkă amra hơmâo mông jơnum mă bruă hrŏm hăng ƀing čih tơlơi pơhing laih anun amra ngă bruă hăng anom bruă čih tơlơi pơhing.