Hăng anăn “Ngă tui pran gơgrong ba jơlan hlâo mơng hlăk ai amăng bruă pơplih yua boh thâo phrâo amăng dêh čar”, mông pơhiăp nao rai kơplah wah Khua dêh čar ơi Phạm Minh Chính hăng ƀing hlăk ai amra pơphun lơ 25/3, anai lĕ mông pơlăi nao rai hơdôm hơdră bruă glăk ngă tui mơng Kơnuk kơna amăng pơplih yua boh thâo phrâo.

Hrơi pơbưp anai ăt lăi nao hơdôm hơdră bruă mơng Kơnuk kơna amăng gum djru, tŏ tui pran gơgrong, glăm ba mơng hlăk ai amăng ngă tui hơdôm hơnong pơkă amăng jơlan hơdră pơplih yua boh thâo phrâo, pơpŭ pran mut hrŏm, tuh rơyuh mơng hlăk ai amăng pơđĭ kyar bơwih ƀong huă-mơnuih mơnam, pơjing hăng wai pơgang lŏn ia. Laih dong, đing tơngia hmư̆ tơlơi rơkâo đĭ mơng hlăk ai hăng jơlan gah pơsir hĭ.