Tal lŏn pơpư̆ kơtang hloh ƀơi Thổ Nhĩ Kỳ thun 1939, ngă kơ hơdôm hơpluh rơbâo čô mơnuih djai, hơdôm rơtuh rơbâo čô mơnuih rơka rơkač, hơdôm hơplun rơbâo ring bruă răm ƀăm tơl dêh čar Thổ Nhĩ Kỳ pơtrun hiăp ječ ameč, mơyut mơjôk ƀơi 10 boh tơring čar, laih dơ̆ng iâu pơthưr djru mơ̆ng jar kmar.

Hăng tơlơi khăp tơpă, Việt Nam mơ-it nao lu tơhan hơmâo 100 čô mơnuih, amăng anun 76 čô tơhan Ding jum ling tơhan hăng 25 čô mơ̆ng Ding jum kông an nao ngă bruă hyu ĕp, djru pơklaih mơnuih hơmâo tơlơi truh, găn rơgao lu tơlơi tơnap tap lông lăng. Pơhiăp ƀơi mông jơnum bơni gưl kơnuk kơna, Khua dêh čar, ơi Phạm Minh Chính bơni hơ-ơč kơ Ding jum ling tơhan, ding jum kông an, hơmâo lăi pơthâo hăng kơnuk kơna djru pơsir bruă mă hăng jar kmar; khua mua, tơlơi git gai, ngă hrom tong ten hăng lu ding jum, anom bruă, tơring čar laih anun djop anom bruă pơdjơ̆ nao pơhlôm djop mrô tohan nao djru tơlơi khăp pap hăng pơklaih mơnuih hơmâo tơlơi truh ƀơi dêh čar Thổ Nhĩ Kỳ yua hơmâo ngă giong bruă jao; djru hrom pơđĭ tui kơnuih hiam mơ̆ng Việt Nam hăng jar kmar.