Lăi nao kơ bruă mă pơ anăp adih, hơdră pơsir phun thun 2024, Khua dêh čar hơmâo pơblang tong ten tơlơi pơhing ƀơi rŏng lŏn tơnah hăng amăng dêh čar, laih dơ̆ng pơčrâo tong ten tơhnal bruă, anŏ kiăng khom ngă thun 2024, amăng anun lăi, thun 2024 jing thun pơđĭ kyar, pơtrut kơtang, yôm hloh kiăng dưi ngă giong akŏ bruă 5 thun pơphun sa hnong bruă jao mơ̆ng thun 2021-2025.

Khua dêh čar brơi thâo, tơhnal pơkă kơ abih bang khom ngă tui tŭ yua rơnoh pơđĭ kyar hăng ngă hơđong bơwih ƀong huă, pơgăn prăk trun nua, pơhlôm kiăng bơkơnar atur tơlơi bơwih ƀong huă; laih dơ̆ng, đing nao pơhlôm brơi bruă mă, pơgang tơlơi hơdip mơda mơnuih mơnam, pơđĭ tui tơlơi hơdip kơ mơnuih ƀôn sang; ngă kjăp, kơtưn pơgang rơnuk rơnua dêh čar, hơđong amăng lăm lŏn ia, mơnuih mơnam mơak mơai; pơtrut bruă pơtom hiăp hăng mut phung jar kmar; pơgang pioh anih dŏ rơngai hăng gêh găl brơi kơ dêh čar pơđĭ kyar. Tơhnal pơkă rơđah rơđong thun 2024 lĕ pơhlôm rơnoh pơđĭ kyar, pơkra ming gơnam sĭ mơdrô amăng dêh čar djop mơ̆ng 6-6,5%.