Khua dêh čar pơsit tong, sang hră čơđai anet yôm phăn biă mă amăng bruă pơtô pơjuăt brơi ƀing čơđai, hơdră pơđĭ kyar mơnuih thâo mơbruă, pơđĭ kyar ană mơnuih Việt Nam. Sang hră čơđai anet lĕ gưl hrăm brơi ƀing čơđai anet hloh, anai lĕ anih phun kiăng pơđĭ kyar ană mơnuih. Pơjing, pơđĭ kyar ană mơnuih kiăng pok phun mơng dŏ anet.

Khul apăn bruă Ping gah tal XIII ăt kah hăng ba tơbiă tơlơi pơtrun tŏ tui pơplih phrâo, hrưn đĭ klă dong hơdră djru mơnuih mơnam, djơ̆ hăng tơlơi rơkâo amăng pơjing hăng wai pơgang lŏn ia amăng rơwang phrâo. Tơlơi pơtrun anai tŏ tui pơsit tong hơdôm tơlơi pơmĭn hiam klă mơng Ping gah kơ hơdră djru mơnuih mơnam, amăng anun hơmâo hơdră pơtô hrăm kiăng pơđĭ kyar ană mơnuih. Sa amăng hơdôm hơnong pơkă truh thun 2030 tui tơlơi pơtrun lĕ “Pơgiong pơplih pơtô pơjuăt sang hră čơđai mơng 3 truh pơ 5 thun…”