Đĭ pơhiăp amăng mông jơnum, Khua dêh čar lăi rơđah, hăng pran jua gum hrŏm hăng anom bơwih ƀong sĭ mơdrô, ĕp hơdôm hơdră klă, bruă mă phrâo, lăp djơ̆ hăng tơlơi kiăng amăng lŏn ia, amăng kual hăng jar kmar kiăng djru brơi anom bơwih ƀong găn rơgao tơnap tap, tơlơi lông, pơtrut pla, pơkra pơjing, ba sĭ mơdrô kyâo pơtâo pơ tač rơngiao hơđong kjăp, pơhlôm djop yua amăng lŏn ia hăng bao sĭ pơ tač rơngiao: kyâo pơtâo amăng thun 2023 dưm dưm 17 klai 500 klă đôlar Mi hăng akan hơdang dưm dưm 10 klai đôlar Mi.

Khua dêh čar rơkâo jơnum đing nao pơčrông sai, ngă rơđah, sem lăng tong ten, lăp djơ̆, tơpă sit hơdôm tơlơi tơnap tap, gun găn bơdjơ̆ nao bruă pla hăng rông, pơkra pơjing hăng sĭ mơdrô gơnam mơng kyâo hăng akan hơdang, sit biă ñu bơdjơ̆ nao pơđĭ kyar sĭ mơdrô pơ tač rơngiao. Jơnum ăt lăi pơthâo tơlơi găn rơgao hăng pơhrăm glăi mơng djop gơnong bruă, anom bơwih ƀong sĭ mơdrô, bruă mă klă ƀudah kiăng pok prong pơ anăp anai.