Khua dêh čar lăi pơtong, bruă čih pơkra, pơgiong hơdră bruă lĕ bruă kiăng pơphun na nao hăng sui pơ anăp, kiăng đing nao bruă git gai, kơtưn kjăp, tơpă sit, tuh pơ alin lu ƀiă dong kơ mơnuih apăn bruă. Amăng jơnum anai, ƀing ding kơna Kơnuk kơna pơčrông sai hăng pơgôp hiăp hăng 5 boh tơhnal hơmâo 2 črăn tơlơi phiăn, 1 tơlơi rơkâo pơjing tơlơi phiăn, 2 črăn tơlơi pơtrun, črăn tơlơi pơsit mơng Khua pơ ala mơnuih ƀon sang dêh čar kơ ngă tui lông lăng sa, dua hơdră bruă pơsir hĭ tơnap tap, gun găn amăng tuh pơ alin man pơkra jơlan rơdêh đuăi hmar; sa, dua hơdră bruă phrâo amăng wai lăng mơnuih mut nao rai lŏn ia, mơnuih tač rơngiao dŏ hơdip jang jai ƀơi Việt Nam kiăng ba nao amăng tơlơi pơtrun hrŏm mơng Khua pơ ala mơnuih ƀon sang dêh čar amăng Jơnum lok 5 anai; črăn tơlơi phiăn hră căn cước công dân (čih pơkra glăi); črăn tơlơi phăn hơdôm anom bruă brơi čan prăk (čih pơkra glăi); rơkâo čih pơkra glăi tơlơi phiăn, pơhrua sa, dua črăn tơlơi phăn mơnuih mut nao rai lŏn ia hăng mơnuih ƀon sang Việt Nam.