Tui hăng tơlơi lăi pơthâo mơ̆ng Ding jum prăk kăk tơlơi pơhing bơwih ƀong huă mơnuih mơnam dêh čar amăng 2 blan rơgao ăt hơmâo tŭ mă boh tơhnal klă hiam mơ̆n, lu hloh kơ blan hlâo hăng tal anai thun hlâo; mơnuih ƀôn sang, sang bruă mơdrô, mơnuih ngă bruă mơdrô tuh pơ alin amăng dêh čar hăng tač rơngiao, hơdôm tơlơi phiăn pơkă, pơphun jŭ yap hơnơ̆ng pơkă jar kmar đăo kơnang....pơđĭ tui tơlơi đăo kơnang hăng anŏ čang rơmang nao pơ anăp adih bơwih ƀong huă klă hloh. Prăk pơhrui glăi kơ ngă drăp kơnuk kơna hơmâo 25,4% rơnoh pơkă, đĭ tui 25,7% pơkă hăng tal anai thun hlâo. Prăk sĭ mơdrô hăng tač rơngiao 2 blan đĭ tui 12% pơkă hăng tal anai thun hlâo.

Ƀơi mông jơnum, ƀing ding kơna amăng kơnuk kơna dêh čar pơgôp hiăp hăng pơčrong sai tơlơi pơhing bơwih ƀong huă blan 2 hăng 2 blan akŏ thun; hơdôm jơlan hơdră tơhnal pơkă ƀơi dêh čar; tơlơi pơhing mă yua prăk tuh pơ alin kơ bruă čar. Khua dêh čar pơtrun hiăp brơi pơdah thâo bruă mă phun, git gai, ngă bruă pơ anăp adih kiăng thun 2025 khom pơđĭ boh ƀiă ñu 8%, kiăng ngă djơ̆ akŏ bruă bơwih ƀong huă mơnuih mơnam dêh čar amăng 5 thun mơ̆ng thun 2021-2025, ngă atur, anŏ juă tơkai gơgrong phrâo pơtrut lŏn ia yak nao pơ anăp rơnuk thun hrưn đĭ mơ̆ng djuai ania, akŏ pơdong dêh čar dưi pơdrong sah, thâo rơgơi, hing ang, mơnuih ƀôn sang trơi pơđao yâo mơak.