Ƀơi mông jơnum, ƀing khua mua lăi pơtong, bruă akŏ pơdong anih anom prăk kăk amăng kual hăng jar kmar ƀơi Việt Nam amra ngă anŏ pơblih phrâo kơ boh tŭ yua hăng pơhưč dơ̆ng bruă mă, prăk kăk kiăng djru hrŏm pơblih hơdră bơwih ƀong huă, ba Việt Nam ngă hrŏm đĭ tui sa yak dơ̆ng amăng rơnoh bơwih ƀong huă ƀơi rŏng lŏn tơnah. Khă tui anun, anai lĕ tơlơi phrâo, tơnap tap hloh kiăng hơmâo bruă ngă hrŏm mơ̆ng lu ding jum, anom bruă, tơring čar amăng dêh čar pơdjơ̆ nao.

Klah čun ƀơi mông jơnum, Khua dêh čar ơi Phạm Minh Chính hơmâo lăi pơthâo bruă mă kiăng ječ hloh man pơdong akŏ bruă. Bruă ngă anai kiăng pơdah thâo rơđah hloh jơlan hơdră mơ̆ng kơnuk kơna, yua kơ anun khom hơmâo tŭ mă gêh găl, amuñ amĕ hloh ba glăi boh tŭ yua hiam pơtrut pran jua lŏn ia bơwih ƀong huă pơđĭ kyar, hăng hơdră bruă lĕ, ngă rah, hrăm tui pok pơhư prong rah, ƀu hăt he ôh. Ruah mă jơlan hơdră djơ̆ găl mơ̆ng 3 mơta bruă tui hơdră bruă prăk kăk rŏng lŏn tơnah, djơ̆ hăng tơlơi jar kmar laih anun anŏ gêh găl mơ̆ng Việt Nam hơmâo hơdră ngă rơđah rơđong.