Pơhiăp tom hăng ƀing hrăm akŏ bruă “Pơđĭ tui tơlơi rơgơi git gai mơ̆ng Kơnuk kơna, pơplih kơtang kiăng đĭ kyar tañ, hơđong kjăp hăng đĭ kyar dua mrô”, Khua dêh čar ơi Lê Minh Hưng lăi, Jơnum ping gah dêh čar tal XIV jing gru kơđŏm yom biă mă, sit nik pok rai rơnuk đĭ kyar phrâo mơ̆ng djuai ania Việt Nam ta.

Kiăng dưi ngă dua akŏ bruă yom phun 100 thun (truh thun 2030, jing dêh čar glăk đĭ kyar hơmâo măi mok boh thâo phrâo, prăk pơhrui lu hăng truh thun 2045, jing dêh čar đĭ kyar, prăk lu), rơwang 5 thun, thun 2026-2031 yom biă mă, ngă atur kjăp kơ rơwang thun tŏ tui, amăng anun, bruă bơwih ƀong khŏm pơplih prong, dưi đĭ kyar 2 mrô. Hrŏm hăng hơdôm tơlơi pơtrun prong, lăp djơ̆, pơplih phrâo mơ̆ng Ping gah, Kơnuk kơna, sa tơlơi yom phun dong đah mơ̆ng dưi ngă hơdôm bruă lăi nao, anun lĕ pơjing tơlơi pơplih kơtang, tŭ yua, sit nik kơ tơlơi rơgơi git gai bruă mă mơ̆ng Kơnuk kơna, laih dong mă yua đut tơhnal tơlơi rơgơi ngă bruă mơ̆ng djŏp gưl, gơnong bruă hăng plơi pla ƀon ƀut./.