Ƀơi mông bưp, bơkơtuai hăng nao rai, khua mua Việt Nam lăng yom bruă khua dêh čar Kyrgyzstan, ơi Adylbek Kasymaliev hăng grup khua mua mơ̆ng dêh čar Kyrgyzstan rai čuă jơmư sit nik Việt Nam, đăo sit tal rai čuă jơmư anai pok pơhư sa črăn phrâo hiam klă kơ bruă ngă giăng mah pơtrut dua bơnah ngă hrŏm lu mơta bruă; lăi pơtong Việt Nam lăng yom bruă ngă giăng mah hăng dêh čar Kyrgyzstan. Hlâo kơ anun, Khua dêh čar ơi Phạm Minh Chính hăng Khua dêh čar ơi Adylbek Kasymaliev nao čuă anih djă pioh gru grua Khua mir sir Hồ Chí Minh ƀơi plơi prong jưh jom Hà Nội.

Khua dêh čar lăi pơthâo hăng Khua dêh čar Kyrgyzstan, ơi Adylbek Kasymaliev kơ sang kyâo Wa Hô, hrŏm hăng ră ruai glăi tơlơi hơdip mơda, bruă mă mơ̆ng Khua mir sir Hồ Chí Minh sa čô mơnuih hing ang hơmâo jơlan hơdră pơtom hiăp ngă giăng mah hăng tač rơngiao rơgơi tloh noh, hơmâo čih pioh amăng gru djă gru phun djuai ania Việt Nam, hmư̆ tum teč, lăng djop mơta rup, hră pơar kah hăng ia hăng apui,hơgor kông pin Đông Sơn, phun kram Việt Nam, ao dai Việt Nam laih anun akhan brung kual Dơnung hơmâo djă pioh pơdă lui ƀơi anih gru grua khua mir sir.

                                                   Rup Dương Giang-TTXVN