Amăng tlam lơ 3/4, Jơnum lăng mơng ataih amăng tivi kơplah wah Kơnuk kơna hăng hơdôm boh tơring čar, ƀon prong bơkơtuai kơ Hră lăi pơthâo pơhrua tui boh than ngă bruă tuh pơ plai thun 2022, bruă pok pơhai tuh pơ plai thun 2023; Hră pơtŏng glăi pơhrua tui boh than pơđĭ kyar bơwih ƀong huă - mơnuih mơnam thun 2022, bruă pok pơhai pơđĭ kyar bơwih ƀong huă - mơnuih mơnam thun 2023; Lăi pơthâo pơhrua tui boh than mă yua prăk kăk kơnuk kơna thun 2022, bruă pok pơhai ngă tui prăk kơnuk kơna brơi mă yua thun 2023. Ƀơi mông jơnum, ƀing khua tŭ ư hăng Hră lăi pơthâo pơdah pơ Khua mua pơ ala mơnuih ƀon sang dêh čar sem lăng.

Khă hnun hai, kiăng pơhrua tui, ngă rơđah hơdôm mơta tơlơi, biă ñu lĕ lăng rơđah hơdôm tơlơi hơmâo mơng rŏng lŏn tơnah bơbeč djơ̆ Việt Nam, hơdôm tơlơi tơnap, tơlơi aka ƀu djơ̆ amăng bruă bơwih ƀong; hơdôm tơlơi aka ƀu rơđah kiăng pơsir brơi đah mơng pơtrut tuh pơ plai bruă dêh čar, mă yua prăk kăk Kơnuk kơna hăng pơđĭ kyar bơwih ƀong huă mơnuih mơnam. Klah čun amăng mông jơnum yang hrơi tlam, Khua dêh čar ơi Phạm Minh Chính črâo rơđah, aka ƀu pơplih rơnoh đĭ kyar thun 2023 hăng mrô pơgăn pơđĭ nua gơnam ča čot. Khă hnun hai, hơdôm ding jum, anom bruă kiăng gir hloh dong kiăng dưi ngă tui tơlơi pơkă, laih dong krăo lăng, thâo rơđah tơlơi hơmâo, hơmâo hơdră pơsir tañ.