Sit biă ñu, “5 tơlơi đĭ tui” anun lĕ: Đĭ tui amăng bruă tŭ mă hăng yua prăk čan, sit biă ñu anom bơwih ƀong gap ƀrô hăng anet; đĭ tui gru grua; djơ̆ hăng tơlơi phiăn; klă dong amăng brơi čan prăk; kơtưn gum hrŏm mơng hơdôm boh sang bruă prăk, anom bơwih ƀong sĭ mơdrô; đĭ tui amăng bruă git gai, wai lăng; pơhlôm tong ten, tơpă, kmlai brơi čan hăng pơgăn čan prăk mă kmlai lu; kơtưn krăo lăng, pel ĕp, pơgang pơgăn hŭi hơmâo tơlơi lông, pơgăn hưp ƀong kông ngăn, ngă soh.

“5 tơlơi pơhrŏ trun” anun lĕ: hrŏ trun kmlai, hrŏ trun prăk duh lơm mơ-it prăk nao rai; hrŏ trun hră pơ-ar; hrŏ trun bruă ngă gun găn brơi mơnuih ƀôn sang; hrŏ trun bruă ngă soh, pơgang brơi tơlơi dưi phara amăng sang bruă prăk. “5 tơlơi đĭ kơtang hloh” hơmâo: tañ pơgiong yua boh thâo phrâo; tañ klă ƀiă amăng bruă bơwih bơwang; tañ klă dong amăng mơnuih mă bruă; tañ amăng man pơdong anih anom; tañ amăng bruă djru bơwih ƀong, sĭ mơdrô, ĕp brơi bruă mă, djru tơlơi hơdip kơ mơnuih ƀôn sang, pơgôp kiăng pơđĭ kyar.