Đĭ pơhiăp amăng mông jơnum, Khua dêh čar ơi Phạm Minh Chính brơi thâo, giăm 2 blan rơgao, Kơnuk kơna, Khua dêh čar hrŏm hăng djop ding jum, gơnong bruă, ƀon lan ter hang ia rơsĭ hơmâo ngă bruă khut khăt, đing nao kơtang hloh ngă tui tơlơi git gai pơgăn mă akan hơdang IUU hăng hơnong pơkă “Khut khăt pơgăn hyu mă akan ča čot IUU, gir run lŏm hĭ “kak kơñĭ” mơng EC hăng bruă mă akan hơdang mơng Việt Nam amăng thun 2025.

Khua dêh čar rơkâo đing nao pơjing hră lăi pơthâo tui tơlơi pơtrun mơng EC, tơdah hră lăi pơthâo aka ƀu klă kiăng lăng glăi, hơmâo anih tong ten, pơpha bruă rơđah rơđông. Lăi nao rơđah hơdôm hơdôm bruă ba tơbiă kiăng ngă truh hơbin, hlơi ngă, ngă hiưm pă, ba tơbiă hơnong pơkă rơnuč thun 2025 lĕ kiăng lŏm hĭ “kak kơñĭ” mơng EC mơ̆ tơlơi yôm ƀiă lĕ pơđĭ kyar hơđong kjăp mơng gơnong bruă akan hơdang Việt Nam; wai lăng bruă mă akan hơdang pơhlôm tơlơi glăm ba, tong ten anih hyu mă, wai pơgang brơi tơlơi dưi, abih bang lĕ yua tơlơi đăo gơnang mơng lŏn ia, mơng djuai ania, yua tơlơi dưi mơnuih ƀôn sang.