Amăng mông mă bruă, Khua dêh čar rơkâo kông ang tơring čar Phú Thọ tŏ tui hruă kjăp, ngă tui khut khăt, ha amăng plĕ, tŭ yua tơlơi črâo trun, hơdră bruă, tơlơi phiăn mơng Ping gah, Kơnuk kơna amăng bruă mă; amăng anun hơmâo bruă jao tui akŏ bruă 06 hăng tơlơi črâo trun mơng Khua dêh čar amăng bruă tŏ tui pơtrut kơtang pok pơhai akŏ bruă; ngă tui khăt khăt amăng git gai, wai lăng mơng Ding jum kông ang.

Khua dêh čar rơkâo kông ang tơring čar Phú Thọ tŏ tui đing nao ngă klă bruă pơjing Ping gah, tŏ tui pran gơgrong “Yua kơ lŏn ia wơr ta pô, yua kơ mơnuih ƀôn sang gir ngă bruă”, “dŏ Ping gah dŏ ta mơn”, “kơdrưh ang lĕ tơlơi hing ang, yôm phăn hloh”, pơgiong djop mơta bruă jao mơng Ping gah, Kơnuk kơna hăng mơnuih ƀôn sang.