Ră anai anom bruă hơmâo rơbêh 200 čô khua, mơnuih mă bruă rông ba, pơtô bruă brơi kơ giăm 477 čô čơđai drit droai, mơnuih drơi jăn ƀu klă, ƀing tha ƀu hơmâo pô čem rông, ƀing hưt tơbưt, amăng anun hơmâo 327 čô čơđai glăk hrăm hră. Tui hăng tơlơi lăi pơthâo glăi, hơmâo năng ai 10% lơ̆m ƀing čơđai prong dưi bơwih ƀong, hơdip mă pô.

Pơhiăp ƀơi mông bưp, Khua dêh čar čang rơmang ƀing khua, mơnuih mă bruă amăng Anom bruă anai lăng ba, djru ba abih pran jua, lăng ƀing dŏ pơ anai kar hăng sang anŏ pô mơtăm, pơtrut pơsur kiăng ƀing rơwen rơwô jô găng, ƀing čơđai gir hloh dong. Laih dong, khŏm hơmâo hơdră djru phara, lăp djơ̆ hăng ƀing mă bruă wai lăng, kiăng gơñu gir hăng bruă anai hloh, bruă mă sui hloh hăng Anom bruă djru ba mơnuih tơnap.